終於出院喇！

尋日醫生話我感染左輪狀病毒，
所以將我由６樓普通病房，
轉左去Ｄ５兒童隔離病房，
點知住左一晚，我就可以出院喇！
太好喇！唔使 喺醫院過除夕。
因為媽媽病左 嘅關係，
所以我呢幾日都會住 喺嫲嫲屋企度。

再次入院

１２月２６日
媽媽朝早帶我返瑪嘉烈醫院，
點知醫院床位緊迫，醫生見我冇發燒，
幫我檢查完，就俾我出院，太好喇！

不過出左院唔夠一日，我又再發燒喇，
夜晚我唔肯落床 瞓，亞姨就攬住我一齊 瞓，
瞓到三點幾我就開始喊得好勁，媽媽幫我探熱，
發現我發燒，就帶左我去屯門醫院。

右手手仔抽血抽到一個個窿呀，陰功喇！

左手駁住血含氧量機


今次粒黃豆插左 喺右腳仔度，好似包粽咁

放假

聖誕快樂！

今朝醫院有聖誕老人 嚟派禮物呀，
聖誕老人竟然送左架搖控車比我，
都唔知幾時先玩到，不過多謝晒！

原來醫院都有假放架，醫生見我冇發燒，

就俾我返屋企一晚，第二日先再返醫院。

返到屋企亞姨話我面珠仔瘦左，

你地睇下係唔係．．．

第一個白色聖誕

醫院俾人 嘅感覺，係白茫茫、冷清清 嘅地方，
還好，有爸爸媽媽輪流陪我過夜。
因為仲未退燒 嘅關係，醫生要幫我打抗生素，
打足五日，今日係第三日，打完仲要等退晒燒先可以出院。
所以．．．我要 喺醫院過一個白色 嘅聖誕節呀，
真係陰功！第一個聖誕節就咁難忘．．．．

入院了，要大家擔心！

尋晚亞姨放工返 嚟，發現我發燒，
就同媽媽帶左我去睇夜診醫生，
醫生寫左轉介信比我去屯門醫院急症室。

見完醫生，照完Ｘ光，醫生話我有Ｄ出疹，
要我入院，仲要隔離添呀，話怕我會惹到其他小朋友喎。
食完退燒藥，就等醫院安排救護車車我去瑪嘉烈醫院留醫。

由於唔知咩原因發燒，醫生要我抽血檢驗，一次 喺手仔，一次 喺背脊。

手仔仲要插左黃豆呀，好痛呀！你地睇．．．


不過好在唔係腦膜炎，但仲未知道點解發燒呀，
要等退左燒先可以返屋企呀，我要快Ｄ好返哦！

田雞腳＋Ｍ字額

我隻腳仔鐘意撐 吓撐 吓，媽媽同亞姨話我係田雞腳呀！

Ｄ頭髮 ' 樹 ' 起晒，係咪好有型呢！
但媽媽同亞姨話我Ｍ字額，哼！

入學

今日媽媽帶我去育嬰園辦入學手續，因為媽媽遲Ｄ要返工，
日頭冇時間睇住我，所以我要去育嬰園返學，
之前去左影證件相，就係要用 嚟做手冊。
一月二號我就正式入學喇！

我第一本手冊呀！

我第一個書包呀！

我滿月喇！！

今晚有好多我唔識 嘅哥哥姐姐，一齊出 嚟打邊爐同我慶祝滿月呀！

呢個係媽媽買比我 嘅蛋糕，多謝媽媽！！

等我沖返個靚涼，換返件靚衫先！

呢架就係我架私家車喇，睇唔睇到我呢？好！準備出發，Let's go！

榮美亞姨整 嘅紅雞蛋，多謝！

做大戲

篤撐．．篤撐．．我篤篤撐．．．

我偷偷看．．．我偷偷望

去影證件相

影相前要執靚仔先


準備好喇！一二三 ' 咔嚓 '

我係大帝

我係大帝就梗係要大字型咁 瞓 啦！




最近我夜晚鐘意唔 瞓 覺，
食飽飽唔 瞓，換完片片唔 瞓，
抱住都唔 瞓，抱得唔舒服就喊，
搞到媽媽同亞姨都冇我符，
佢地用盡方法，又出動到鬧鐘、米袋、收音機．．．
依然我有我性格，仲越玩越早（朝早八、九點）
因為．．．我係大帝 吖嘛！！

我要食奶奶呀！！

等食奶奶個喊樣

食奶奶食到 ' 啜啜 ' 聲

神探李奇

寶珠妹，你 喺邊呀？？

夢中打 Boxing

第一輯靚靚相冊

抱頭大睡

我最喜愛的睡姿～


媽咪同亞姨鐘意將我隻手手收 喺包被入面，
但我偏要伸出 嚟，我有我風格嘛！


美男拓腮

正經樣～～～

我第一次正正經經影相，係咪好靚仔呢！

返到屋企喇！

伸個懶腰先

伸懶腰三部曲

１１月１２號

今日係亞姨第一次見到我，亦係我第一次見到亞姨，

等我扭下人抱先，亞姨一見到我喊，就抱起左我，

哈哈！你中招喇亞姨，即刻收聲先。

喂喂喂！人地收聲就放低人，等我再喊過先。

點解冇人理我 嘅？？

佢地話我扮喊冇眼淚，所以唔理我呀！

弊！冇人抱不特止，仲要俾亞姨影埋個喊樣添！
真係慘！亞姨好衰架．．．

１１月１１號

返番媽咪身邊

因為媽咪係開刀 攞我出 嚟，
所以我要４８個鐘之後先可以返佢身邊，
夜晚１１點，媽咪親手餵我食奶奶，好味道！

１１月９號

我出世喇！

原本媽咪約好左１１月１２號入醫院催我出 嚟，
但係，我實在等唔切喇，所以，
喺１１月９號夜晚十點半，我就 嚟到呢個世界喇。
我重３.０６公斤，即係６.７磅，係老鼠仔嚟架。

喺度，要多謝媽咪帶我 嚟呢個世界，辛苦晒！！